Ազգային ժողովի «Ժառանգություն» խմբակցության ղեկավարն այսուհետեւ լինելու է Զարուհի Փոստանջյանը: NEWS.am-ի թղթակցի հետ զրույցում Փոստանջյանը հայտնեց, որ ինքը երեկ՝ հոկտեմբերի 5-ին, արդեն համապատասխան դիմում է ներկայացրել Ազգային ժողով:
Նշենք, որ Ռուբիկ Հակոբյանը սեպտեմբերի 17-ին հայտարարել է կուսակցությունը լքելու եւ խմբակցության ղեկավարի պաշտոնից հրաժարվելու մասին:
Մեր հարցին, թե հոկտեմբերի 5-ին նոր Սահմանադրության նախագծի քվեարկությունից հետո ինչպես է պատկերացնում խմբակցության գործունեությունը, Զարուհի Փոստանջյանը պատասխանեց. «Ինչպես միշտ»:
Հիշեցնենք, որ Ազգային ժողովում հոկտեմբերի 5-ին սահմանադրական փոփոխությունների նախագծի քվեարկությանը «Ժառանգությունից» դեմ է քվեարկել միայն Զարուհի Փոստանջյանը: Խմբակցության մյուս երեք պատգամավորներից անկուսակցական Թեւան Պողոսյանը եւ ՀՀՇ-ական Ալեքսանդր Արզումանյանը կողմ են քվեարկել, իսկ խմբակցության նախկին ղեկավար Ռուբիկ Հակոբյանը չի քվեարկել: