Իրանում Հայաստանի դեսպան Արտաշես Թումանյանը իրանական ընկերություններին կոչ է արել ներդրումներ կատարել Հայաստանում։
«Հայաստանը ԵՏՄ անդամ է, եւ եթե իրանական ընկերությունները ներդրումներ կատարեն Հայաստանում, նրանք հնարավորություն կունենան իրենց արտադրանքը արտահանել այդ կազմակերպության այլ երկրներ»,- ասել է Թումանյանը Իրանի փոխարտգործնախարար Մորթեզա Սարմադիի հետ հանդիպման ժամանակ։
Բացի այդ, նա նշել է, որ Հայաստանը դարպաս է դեպի Եվրամիություն, գրում է Fars-ը։
Իրանի փոխարտգործնախարարն իր հերթին ողջունել է Թեհրանի եւ Երեւանի միջեւ հարաբերությունները՝ հավելելով, որ բարձրաստիճան պաշտոնյաների այցելությունները կարող են նպաստել երկկողմ հարաբերությունների զարգացմանը, հատկապես Իրանի միջուկային ծրագրի շուրջ համաձայնագիր կնքելուց հետո։
