ՀՀ քննչական կոմիտեի Երեւան քաղաքի քննչական վարչության Արաբկիր վարչական շրջանի քննչական բաժնում քննություն է տարվում՝ պարզելու 1966թ. ծնված Ռ.Թեւանյանի մահվան հանգամանքները։
2015 թվականի հոկտեմբերի 5-ին՝ ժամը 19։20-ին, ՀՀ ոստիկանության Արաբկիրի բաժնից հաղորդում է ստացվել այն մասին, որ Երեւան քաղաքի Ադոնցի 5 շենքի թիվ 15 բնակարանում առկա է տղամարդու դիակ:
Անմիջապես դեպքի վայր է մեկնել քննչական-օպերատիվ խումբը։ Հյուրասենյակի կենտրոնական հատվածում հայտնաբերվել է նույն տան բնակչի դին՝ խիստ արտահայտված նեխային փոփոխությունների փուլում:
Դեպքի վայրի զննության ընթացքում պարզվել է, որ դիակի առ վերին վերջույթի ոսկրերը՝ բազկի միջին երրորդից մինչեւ նախաբազկի ստորին երրորդական, ամբողջովին մերկացված են փափուկ հյուսվածքներից եւ մկաններից, իսկ նախաբազկի ստորին երրորդից ավելի հեռակա ոսկրերը բացակայում են:
Քրեական գործով էական նշանակություն ունեցող հանգամանքների պարզաբանման համար նշանակվել է դատաբժշկական փորձաքննություն: