Հայաստանի Կենտրոնական բանկը ազգային արժույթի վրա անարդարացի ճնշում չի գործադրում։Այս մասին հոկտեմբերի 7-ին խորհրդարանում ասել է ՀՀ ԿԲ փոխնախագահ Ներսես Երիցյանը։
Նրա վստահեցմամբ՝ փոխարժեքի ոչ մի արհեստական զսպում չկա։ ԿԲ-ն առաջիկա վերլուծություններում ցույց կտա, որ իր արժութային միջամտությունները ծառայում են կարճաժամկետ տատանումները ուղղելու նպատակին։ Դրանց օգնությամբ անհնար է կասեցնել կամ փոխել երկարաժամկետ միտումները։
«Ընդդիմության այդ պնդումները սուտ են։ Ինչ վերաբերում է գնաճին, ապա սովորական կանխատեսման ժամանակը 3 տարի է։ ԿԲ-ն այն ակնկալում է 4 +/- 1,5% նպատակային ցուցանիշի շրջանակներում։ Եթե արտաքին նախապայմանները էապես փոխվեն, մենք այդ մասին կհայտնենք»,- նշել է Երիցյանը։
