1980թ. դեկտեմբերի 29-ին ԱՍԱԼԱ-ի կողմից Մադրիդում իրագործված պայթյունների հետեւանքով պատահմամբ տուժել եւ ամիսներ շարունակ բուժվել է իսպանացի լրագրող Խոսե Անտնիո Գուրրիարան: Սակայն նա ոչ թե ատելությամբ լցվեց ԱՍԱԼԱ-ի նկատմամբ, այլ հիվանդանոցում շուրջ 200 հատոր գրքեր ուսումնասիրեց հայերի եւ Հայոց ցեղասպանության վերաբերյալ: Ապաքինվելուց հետո, նա հանդիպեց ԱՍԱԼԱ-ի մարտիկների հետ, եղավ նրանց ճամբարում, հրատարակեց La Bomba գիրքը, որի համար նրան մեղադրեցին որպես ահաբեկչությունն արդարացնողի: Իսկ այժմ՝ 70-ամյա տարիքում լույս է ընծայել «Հայեր. մոռացված Ցեղասպանություն» գիրքը ու ջանքեր է գարծադրում այդ գիրքը աշխարհով մեկ տարածելու համար: Հայ ժողովրդի նկատմամբ տեղի է ունեցել ավելի մեծ անարդարություն, քան իր նկատմամբ, հաճախ կրկնում է գրողը: