«Իսլամական պետություն» ահաբեկչական խմբավորումն իր քարոզչական նյութերն ու տեսահոլովակները տարածելու նպատակով օգտագործում է Telegram մեսենջերի բջջային հավելվածը, հայտնում է Gazeta-ն՝ վկայակոչելով ՌՕՈւ-ը:
Հրատարակության տվյալներով, գրոհայինները ծայրահեղական բովանդակության գրություններ, լուսանկարներ ու հոլովակներ են տեղադրում Telegram Channels-ում: Telegram Channels-ը հրապարակային չաթեր են՝ բաժանորդների անսահմանափակ քանակով ու յուրաքանչյուր հաղորդագրության համար դիտումների հաշվիչով: Խմբավորումը սկսել է նորություններ հրապարակել Telegram-ում, քանի որ Twitter-ի աշխատակազմը մշտապես արգելափակում է ԻՊ-ի թվիթերյան էջերը:
Գրոհայինները Telegram-ը հաճախ օգտագործում են նաեւ ահաբեկչական գործողությունները համակարգելու համար: Եվ այսպես՝ Անգլիայում ու Ավստրալիայում ձերբակալվել էին երկու երիտասարդներ, որոնք ահաբեկչական գործողություն էին ծրագրում Մելբուռնում՝ վետերանների պատվին կազմակերպվող ամենամյա շքերթի ժամանակ: Ընդ որում մեսենջերի հիմնադիր Պավել Դուրովը հայտարարել է, որ եթե երիտասարդները Telegram չունենային, նրանք հաղորդակցվելու այլ միջոց չէին գտնի: