Adobe-ը Լոս Անջելեսում կայացած կոնֆերանսի ժամանակ ցուցադրել է Monument Mode տեխնոլոգիան, որը թույլ է տալիս նկարահանման ընթացքում մաքրել ավելորդ օբյեկտները, որոնք փչացնում են կադրը, օրինակ, տեսարժան վայրերի շուրջ կուտակված զբոսաշրջիկներին։ Այս մասին գրում է Lenta-ն՝ վկայակոչելով The Verge-ը։

Շտատիվի վրա ամրացված սմարթֆոնը հենց կոնֆերանսի ժամանակ լուսանկարել է բեմը, որի վրայով քայլում էին հաղորդավարները։ Ծրագիրը սկսել է կադրից դանդաղորեն մաքրել ավելորդ օբյեկտները անմիջապես առաջին լուսանկարից։

Adobe-ի ներկայացուցչի խոսքով՝ տեխնոլոգիայի հիմքում նոր ալգորիթմն է, որը տարբերակում է շարժվող օբյեկտները անշարժներից։ Monument Mode գործառույթը դեռ փորձարկվում է։

Լուսանկարիչները այս գործառույթի համար ավանդաբար օգտվում են Photoshop-ից։