Ֆրանսիայի իշխանությունները չեն բացառում Air France ավիաընկերության սնանկացումը։ Նման կարծիք է հայտնել երկրի վարչապետ Մանուել Վալսը։

Վերջերս Air France-ում զանգվածային կրճատումների կապակցությամբ տեղի էր ունեցել տնօրենների խորհրդի նիստ, որի ժամանակ ընկերության թոփ մենեջերները հազիվ էին «գլուխներն ազատել» ընկերության վրդովված աշխատակիցների ամբոխից։

Հոկտեմբերի 8-ին այս մասին տարբեր հրապարակումներ էին հայտնվել Ֆրանսիական եւ եվրոպական մամուլում, քանի որ իրավիճակն իրոք տարօրինակ է։ Լրատվամիջոցներում հայտնվել են Air France-ի երկու թոփ մենեջերների լուսանկարները, որոնք կիսամերկ մագլցում են 8-հարկանի շինության վրայով՝ փախչելով կատաղած ամբոխից, հայտնում է Vesti-ն։