ԱՄՆ-ում պոտենցիալ ինքնասպանի կատուն օրինապահ ուժերին օգնել է փրկել տիրոջը, հաղորդում է New York Daily News-ը։ Ինչպես պատմել են Սան Ֆրանցիսկոյի ոստիկանական վարչությունում, Toyota Highlander-ի ենթադրյալ գողը ներս է վազել շենքերից մեկը եւ սպառնացել է ցատկել երրորդ հարկից։ Տղամարդու անունը չի հայտարարվում։
Օրենքի պահապանները դադարեցրել են երթեւեկությունը եւ բանակցություններ են սկսել կասկածյալի հետ, որոնք մոտ երեք ժամ են տեւել։ Ենթադրյալ հանցագործի ազգականները նրա կատվին բերել են դեպքի վայր։ Պնդում են, որ ընտանի կենդանին օգնել է հանգստացնել իր տիրոջը։ Արդյունքում բանակցողներին հաջողվել է տղամարդուն համոզել, որ ցած իջնի, փոխանցում է Gazeta-ն։
Սան Ֆրանցիսկոյի ոստիկանական վարչության մամուլի քարտուղարը թվիթերում հրապարակել է գործողությանը մասնակցած սպաներից մեկի լուսանկարը կատվի հետ։ «Երբեք մի թերագնահատեք տիրոջ սերն իր ընտանի կատվիկի հանդեպ»,- գրել է նա։