Իրանի փոխնախագահ Համիդ Բաղայիի կողմից 1915 թվականին Հայոց ցեղասպանության ճանաչման հարցը պատմական իրողության արձանգրումն է։ NEWS.am-ի թղթակցի հետ զրույցում ասաց ՀՀԿ անդամ, պատգամավոր Գագիկ Մելիքյանը։
Նրա խոսքով, Իրանի նման երկրի բարձրաստիճան պաշտոնյայի կողմից նման հայտարարությունը չէր կարող ինքնաբուխ լիներ։ «Բաղայիի հայտարարությունը Հայաստանի եւ Իրանի միջեւ մտերմիկ հարաբերությունների եւ բարձր մակարդակի համագործակցության եւս մեկ ապացույց է»-նկատեց Մելիքյանը։
Նշենք, որ Իրանի փոխնախագահ Համիդ Բաղային հայտարարել է, որ 100 տարի առաջ՝ 1915 թվականին, Օսմանյան Կայսրությունում հայերի նկատմամբ ցեղասպանություն է իրականացվել եւ թեեւ ներկայումս Օսմանյան կառավարությունը չկա, սակայն Հայաստանը պահանջում է, որ Թուրքիան պաշտոնապես ներողություն խնդրի եւ փոխհատուցում վճարի կատարվածի համար։