Գերմանիայի կառավարությունը պարբերաբար տեղեկություններ է ստանում այն մասին, որ Մերձավոր Արեւելքից ժամանած փախստականների շրջանում կարող են իսլամիստ արմատականներ լինել։ Այս մասին հայտնել է Գերմանիայի ՆԳ նախարար Թոմաս դե Մեզիերը գերմանական Funke մեդիախմբի թերթերում հրապարակված հարցազրույցում։
«Օտարերկրյա հատուկ ծառայությունները տեղեկություններ են տրամադրել, որ փախստականների շարքերում ահաբեկիչներ կան։ Մենք լուրջ ենք վերաբերվում այդ տեղեկություններին եւ ստուգում ենք դրանք։ Մինչ այս պահը դրանք չեն հաստատվել»,- ասել է նախարարը։
Մեզիերի խոսքով՝ տեղի պետական անվտանգության մարմինները լուրջ աշխատանք են տանում, որի շնորհիվ Գերմանիայում վերջին տարիներին լուրջ ահաբեկչություններ չեն եղել։ «Ոչ ոք չի կարող լիովին բացառել, որ ինչ-որ պահի հակառակը չի կատարվի»,- ասել է նախարարը, գրում է ՏԱՍՍ-ը։
Նախարարը նաեւ անհանգստություն է հայտնել Գերմանիայում փախստականների նկատմամբ բռնության աճի կապակցությամբ։ «Այս տարի ընդհանուր առմամբ գրանցվել է փախստականների ապաստանների վրա հարձակվելու 490 դեպք։ Անցյալ դարի այդ թիվը 200 էր»,- ասել է Մեզիերը։