Ամերիկյան Twitter ընկերությունում  աշխատակազմի զանգվածային կրճատումներ են լինելու, հայտնում է Recode պորտալը՝ վկայակոչելով իր սեփական աղբյուրները։ Աշխատակիցների կրճատումները սպասվում են գալիք շաբաթ։

Պորտալի տեղեկություններով, կրճատումները վերաբերելու են գրեթե բոլոր ստորաբաժանումներին։ Թե քանի մարդ է զրկվելու իր աշխատանքից, դեռ չեն հայտնում։ Ընդ որում ենթադրվում է, որ կրճատումները վերաբերելու են հիմնականում ինժեներներին, քանի որ նրանք աշխատակազմի մոտավորապես 50 տոկոսն են կազմում, հայտնում է Lenta-ն։

Աշխատակազմի կրճատումն արվում է Twitter-ում սկսված աշխատանքի վերակազմակերպման շրջանակում, որի հիմնական նպատակն է բարձրացնել ընկերության արդյունավետությունը։ «Մենք լուրերն ու ենթադրությունները չենք մեկնաբանում» հայտարարել է Twitter-ի ներկայացուցիչը։