Չինաստանի արեւելքում գազի բալոնի պայթյունի հետեւանքով 17 մարդ է զոհվել Առնվազն 17 մարդ է զոհվել Չինաստանի արեւելքում գտնվող Անհոյ նահանգի ռեստորաններից մեկում գազի բալոնի պայթյունի եւ դրան հետեւած հրդեհի պատճառով։ Այդ մասին հաղորդել է լրատվական «Սինա» պորտալը։
Միջադեպը տեղի է ունեցել Ուհու քաղաքային շրջանի ռեստորաններից մեկում։ Հրշեջների աշխատանքը ղեկավարելու համար ողբերգության վայր են եկել քաղաքային վարչակազմի ներկայացուցիչներ, փոխանցում է ՏԱՍՍ-ը։ Ոստիկանությունը տեղի ունեցածի պատճառների հետաքննություն է սկսել։