Խոլորձ անունով ձին, որն աշխարհում ամենածերերից մեկն էր համարվում, 50 տարեկանում մահացել է Մեծ Բրիտանիայի Remus Horse արգելոցում, տեղեկացնում է  The Mirror-ը։

Արգելոցի տնօրենը նշել է, որ Խոլորձը հաճելի կյանք էր վայելում արգելոցում։ Այստեղ նա ընկերացել է Գինես անունով հովատակի հետ։ 2015-ի հունվարին իր ծննդյան օրը նրան բազմաթիվ շնորհավորական բացիկներ են ուղարկել, նշել է պարբերականը, փոխանցում է Lenta-ն։

Խոլորձին   Remus Horse էին բերել 2014-ի հունվարին՝ ծանր վիճակում (մասնավորապես, նա մարսողության խնդիրներ ուներ)։ Նա արգելոց է եկել բուժվելու եւ անհրաժեշտ խնամք է ստացել։