Ռուսաստանի հայերի միությունն իր ներդրումն ունի Արցախի եւ Ռուսաստանի միջեւ բարեկամական կապերի ամրապնդման գործում: Այս մասին նշված է ՌՀՄ 5-րդ համագումարին ուղղված ԼՂՀ նախագահ Բակո Սահակյանի ողջույնի ուղերձում, որն ընթերցել է ԼՂՀ արտգործնախարար Կարեն Միրզոյանը:
Ուղերձում նշվել է նաեւ, որ ՌՀՄ-ն աջակցում է ԼՂՀ-ում կարեւոր նախագծերի իրականացմանը եւ Արցախի մասին անաչառ տեղեկատվության տարածմանը:
Նույն օրը ԼՂՀ ԱԳՆ ղեկավարը Կրեմլի պետական պալատում մասնակցել է 2014թ. ՌՀՄ-ի կողմից հաստատված «Համաձայնություն» միջազգային մրցանակի հանձնման հանդիսավոր արարողությանը:
