Կոլումբիայում քրեական հետաքննության քննիչները թմրանյութերի դեմ պայքարի ամերիկյան վարչության հետ համատեղ բարեհաջող իրականացրել են թմրակարտելի պարագլխի կալանավորման գործողությունը, որի արդյունքում ձերբակալել են հանցագործ խմբավորման 6 անդամների։ Խմբավորումը զբաղվում էր «Կլան Ուսուգա»-ի թմրանյութերը Ռուսաստան տեղափոխելով։ Այս մասին հայտնում է Tempo պարբերականը։

Կոլումբիայի ոստիկանության քրեական հետախուզության ղեկավար Խորխե Ռոդրիգես Պերալտայի խոսքով՝ խմբավորման պարագլուխ Պրինսե Սիաչին, որը Նիգերիայի քաղաքացի է, Մեդելյինեում մարդկանց էր հավաքագրում, որոնց հետագայում օգտագործում էր թմրանյութերը տեղափոխելու նպատակով։

Հետաքննությունը շարունակվում էր 3 տարի։  Սիաչիին կալանավորելուն նախորդել էին Կոլումբիայի, Պերուի, Իսպանիայի եւ Ռուսաստանի օդանավակայաններում նրա համախոհների ձերբակալումները։ Խմբավորման անդամներն իրենց մարմինների մեջ թմրանյութերի պատիճներ էին տեղափոխում, փոխանցում է ՏԱՍՍ-ը։