Գերմանական Volkswagen AG ընկերությունը դիզելային սկանդալի պատճառով մեկ մլրդ եվրոյով կպակասեցնի ամենամյա իր ներդրումները։ Ընկերությունը պլանավորում է նաեւ նոր չափանիշներ կիրառել դիզելային եւ էլեկտրական շարժիչով մեքենաների համար։ Այս մասին ասված է ընկերության մամուլի հաղորդագրության մեջ։ Նոր ռազմավարության համաձայն՝ դիզելային մեքենաները կունենան մթնոլորտ արտանետվող գազերի արձակման նոր էկոլոգիական տեխնոլոգիաներ։ SCR եւ AdBlue դիզելային տեխնոլոգիաները Եվրոպայում եւ Հյուսիսային Ամերիկայում հնարավորինս արագ կտեղադրվեն մեքենաների վրա, փոխանցում է «ՌԻԱ Նովոստի»-ն։

Տնտեսման այս միջոցները ձեռնարկվում են խոշոր տուգանքների պատճառով, որոնք Volkswagen-ին սպառնում են սկանդալի պատճառով։

Հիշեցնենք, որ Շրջակա միջավայրի պաշտպանության ամերիկյանբ գործակալությունը Volkswagen-ին մեղադրել է դեիզելային  մեքենաներում վնասակար նյութերի քանակը կեղծող սարքավորումներ տեղադրելու մեջ։