Հայաստանը եւ Սերբիան կհամագործակցեն պաշտպանության ոլորտում: Համապատասխան համաձայնագրի նախագիծը կառավարության նոյեմբերի 19-ի նիստին հավանության է արժանացել: Կողմերը ծրագրել են համագործակցել պաշտպանության եւ անվտանգության, ռազմատեխնիկական եւ ռազմաիրավական ոլորտներում, խաղաղապահ կազմակերպություններում, ռազմատեխնիկական ուղղությամբ եւ բժշկության ոլորտում:
Սերբիայում ընդունված է համարել, որ առաջին հայերն այնտեղ հայտնվել են XIV դարի վերջին, թուրքական բանակի կազմում, Կոսովյան դաշտի ճակատամարտի առիթով: Իմանալով, որ պետք է պայքարել հավատակից եղբայրների դեմ, հայերը սերբերի կողմն են անցնում եւ մի քանի տարի անց կառուցում են Սերբիայում Էրմենչիչ անունով հայտնի վանքը: