Պետք չէ սեւացնել կառավարությանը եւ չտեսնել նրա ձեռքբերումները: Այդ մասին նոյեմբերի 19-ին խորհրդարանում 2016-ի պետբյուջեի քննարկմանն ասել է ՀՀԿ-ական պատգամավոր Հերմինե Նաղդալյանը:
«Կառավարությունը եւ Ֆինանսների նախարարությունը մեծ լրջությամբ են վերաբերվել յուրաքանչյուր ելույթին: Բայց, դժբախտաբար, շատ հայտարարություններում նկատելի էր ցանկությունը` ամեն գնով սեւացնել կառավարությանը, չտեսնելով ձեռքբերումները», - ասել է Նաղդալյանը: Նրա խոսքով, անհրաժեշտ է ողջունել բոլոր նրանց, ովքեր, չնայած քննադատել են, բայց դա արել են երկրի վիճակի հանդեպ մտահոգությամբ եւ հանդես են եկել բովանդակային դիտողություններով: