Եվրամիության եւ Եվրասիական տնտեսական միության միջեւ հարաբերությունների զարգացումը հնարավոր է միայն Մինսկի համաձայնագրերի պահպանման դեպքում։ Այս մասին հայտնել է Եվրահանձնաժողովի ներկայացուցիչ Մարգարիտիս Սխինասը՝ մեկնաբանելով Եվրահանձնաժողովի ղեկավար Ժան Կլոդ Յունկերի ուղերձը ՌԴ նախագահ Վլադիմիր Պուտինին, փոխանցում է ՏԱՍՍ-ը։
«Անդրադառնալով նախագահ Պուտինին գրած Ժան Կլոդ Յուների նամակին՝ նշեմ, որ այդ նամակը որեւէ նոր դիրքորոշում չի հայտնում։ Ընդհանուր տնտեսական տարածության ստեղծումը Մինսկի համաձայնագրերի վաղեմի նպատակն է ու պայմանների մի մասը։ Այդ պատճառով Յունկերն իր ուղերձում ուղղակի կրկնում է իր դիրքորոշումը։ ԵՄ-ի եւ ԵՏՄ-ի միջեւ հարաբերությունների զարգացումը հնարավոր է միայն Մինսկի համաձայնագրերի կատարման եւ միության երկրների համագործակցության դեպքում»,- ասել է նա։
