Հայաստանի ու Ադրբեջանի նախագահները համաձայնել են հանդիպել այս տարվա դեկտեմբերի 1-ին: Այս մասին նոյեմբերի 24-ին «Ղարաբաղյան հարց. հայկական դիվանագիտության խնդիրներն ու հեռանկարները» թեմայով Ադրբեջանական ԽՍՀ-ից փախստականների համագումարի նախագահության կազմակերպած քննարկման ընթացքում հայտնել է Տարածաշրջանային հետազոտությունների կենտրոնի տնօրեն, վերլուծաբան Ռիչարդ Կիրակոսյանը:
Նրա խոսքով, չարժե մեծ ակնկալիքներ ունենալ այս հանդիպումից, քանի որ Հայաստանը չունի՝ հանուն խաղաղության բանակցություններ վարող գործընկեր: «Մենք չպետք է միամիտ լինենք . մենք չհայտարարված պատերազմի պայմաններում ենք: Ի տարբերություն Ադրբեջանի՝ Հայաստանը ամբողջովին աջակցում է քաղաքական գործըթնացին: Ադրբեջանը գլխավոր սպառնալիքն է այս տարածաշրջանի համար»,- շեշտել է Ռիչարդ Կիրակոսյանը: