Թուրքական լրատվամիջոցներում տեղեկություններ ու տեսագրություններ են հայտնվել, թե թուրքական ուժերի կողմից խոցված ռուսական ռմբակոծիչի օդաչուներից մեկին մահացած են հայտնաբերել։

Թուրքական CNNturk-ի թղթակիցը գրել է, թե ռուսական ու սիրիական ուղղաթիռները կատապուլտված ռուս օդաչուներին գտնելու համար տարածքում որոնողական աշխատանքներ են իրականացնում։

Բացի այդ, թուրքական այլ լրատվամիջոցներ գրում են, թե ռուս օդաչուներից մեկը մահացած, մյուսը՝ ողջ, գտնվում են տեղացի թուրքմենների մոտ։

Նշենք, որ Թուրքիան պնդում է, թե ռուսական ռմբակոծիչը խախտել է Թուրքիայի սահմանը, սակայն Ռուսաստանի Գլխավոր շտաբը հայտարարել է, թե ռուսական օդանավը չի խախտել Թուրքիայի սահմանը։