Ռուսաստանում Թուրքիայի ռազմական կցորդին հրավիրել են ՌԴ ՊՆ, հայտնում է «Ինտերֆաքս»-ը՝ վկայակոչելով ՊՆ-ում իր աղբյուրները։

Ավելի վաղ Ռուսաստանի նախագահ Վլադիմիր Պուտինը հայտնել էր, որ Սիրիայի տարածքում թուրքական F-16 կործանիչը խոցել է ռուսական ռազմական օդանավը, որը վայր է ընկել Սիրիայի տարածքում։ Այս հայտարարությունը նա արել էր Սոչիում Հորդանանի թագավոր Աբդալլահ 2-րդի հետ հանդիպման ժամանակ։

Պուտինը նշել է, որ Սու-24-ը վայր է ընկել Թուրքիայի սահմանից 4 կմ հեռու։ Պուտինի խոսքով՝ օդանավը խոցել են 6000 մ բարձրության վրա՝ Թուրքիայի սահմանից 1 կմ հեռու։

Դրանից հետո ռուսական դիվանագիտության մամուլի կցորդ Իգոր Միտյակովը հայտարարել էր, որ Անկարայում Ռուսաստանի դեսպանատան խորհրդականին հրավիրել են Թուրքիայի ԱԳՆ։