2016 թվականի գարնանը Հայաստանում ծրագրվում է կիբերանվտանգության կենտրոն բացել: Այս մասին NEWS.am-ի թղթակցի հետ զրույցում հայտնեց Մերգելյանի անվան երեւանյան գիտահետազոտական ինստիտուտի տնօրեն Արսեն Թառոյանը:
Այն կհիմնի ինստիտուտը՝ պետական մի շարք մարմինների աջակցությամբ: Կենտրոնը կտեղակայվի «Մարս» գործարանի տարածքում, «Ալյանս» տնտեսական ազատ գոտու կազմում: Բայց այն նոր կենտրոնի ռեզիդենտ չի լինի եւ հարկային արտոնություններ չի պահանջի:
Կենտրոնը 4 հիմնական ուղղություն կունենա. կրթություն եւ վերաորակավորում, սեփական մշակումներ եւ ինկուբատոր՝ սկսնակ մշակողների համար:
«Մշակումները վերաբերելու են ծրագրային ապահովմանը՝ համակարգչային համակարգերի անվտանգության ամբողջ համալիրի համար»,- հավելեց Թառոյանը:
Ինստիտուտի ներկայացուցիչները հանդիպել են վերջերս Հայաստան ժամանած Եվգենի Կասպերսկիի հետ: «Կասպերսկիի լաբորատորիա»-ն համաձայնել է համագործակցել նոր կենտրոնի հետ եւ իր փորձը փոխանցել ուսումնական դասընթացների շրջանակում: