Ռուսական ինքնաթիռի կործանումը ցույց տվեց, որ հարկավոր է վերջ դնել Սիրիայի քառամյա քաղաքացիական պատերազմին: Վաշինգտոնում ԱՄՆ նախագահ Բարաք Օբամայի հետ համատեղ մամուլի ասուլիսի ժամանակ այս մասին հայտարարել է Ֆրանսիայի նախագահ Ֆրանսուա Օլանդը:
Guardian-ի փոխանցմամբ, նա ասել է, որ հակառակ դեպքում իրավիճակի սրման վտանգ կա:
Օլանդն ընդգծել է, որ Ֆրանսիան կարող է համագործակցել Ռուսաստանի հետ, եթե նա կենտրոնանա ԻԼԻՊ-ի դեմ հարձակումների ուղղությամբ: Նա նաեւ հաստատել է, որ նոյեմբերի 26-ին Մոսկվայում հանդիպելու է Ռուսաստանի նախագահ Վլադիմիր Պուտինի հետ:
Միաժամանակ, Ֆրանսիայի նախագահը եւս մեկ անգամ ընդգծել է, որ Ասադը պետք է հեռանա, քանի որ Սիրիայում զոհերի մեծ մասի մեղավորն է:
