Թուրքական ՌՕՈՒ-ի կողմից ռուսական Սու-24 ինքնաթիռը խոցելուց հետո Ռուսաստանի Գլխավոր շտաբը Սիրիայում ռուսական ավիաբազայի անվտանգության ապահովման լրացուցիչ միջոցառումներ է ձեռնարկում: Այս մասին հայտարարել է ՌԴ ԶՈՒ Գլխավոր շտաբի գլխավոր օպերատիվ վարչության ղեկավար, գեներալ-լեյտենանտ Սերգեյ Ռուդսկին:
«Առաջին. հարվածային ավիացիայի բոլոր գործողություններն իրականացվելու են միայն կործանիչներով: Երկրորդ. հակաօդային պաշտպանության ուժեղացման միջոցներ են ձեռնարկվելու: Այդ նպատակով «Մոսկվա» հածանավը, որը հագեցած է C-300-ի նման «Ֆորտ» ՀՕՊ համակարգով, կտեղակայվի Լաթաքիայի ափամերձ հատվածում: Նախազգուշացնում ենք, որ մեզ համար պոտենցիալ վտանգ ներկայացնող բոլոր թիրախները կոչնչացվեն: Երրորդ. Թուրքիայի հետ ռազմական գծով բոլոր կապերը կդադարեցվեն»,- նրա խոսքերն է փոխանցում «Ինտերֆաքս»-ը:
Հիշեցնենք, որ Սիրիայում ահաբեկիչների դեմ օդային գործողությանը մասնակցող ռուսական Սու-24 ինքնաթիռը նոյեմբերի 24-ին խոցվել է թուրքական ՌՕՈՒ-ի կողմից: