Ռեժիսոր Էլդար Ռյազանովի առողջական վիճակը վատացել է: Նա դեռեւս նոյեմբերի 21-ին էր տեղափոխվել հիվանդանոց: Այս մասին հաղորդել է նրա թոռը՝ Դմիտրի Տրոյանովսկին: «Ցավոք, այսօր պապիկի վիճակը վատացել է»,-ասել է նա:
Միաժամանակ նա հրաժարվել է նշել հիվանդանոցը, որտեղ գտնվում է ռեժիսորը, հաղորդում է ՏԱՍՍ-ը:
Մինչ այդ Էլդար Ռյազանովը հիվանդանոցում է գտնվել սեպտեմբերին եւ հոկտեմբերին, իսկ օգոստոսին անոթների մաքրում է անցել։ Բառացիորեն մեկ տարի առաջ էլ ռեժիսորը բուժում է անցել հիվանդանոցում՝ կապված ուղեղի արյան շրջանառության սուր խախտման հետ։
Էլդար Ռյազանովը 88 տարեկան է: Նրա ամենահայտնի ֆիլմերն են «Կառնավալային գիշեր», «Հուսարական բալլադ», «Զգուշացիր ավտոմեքենայից», «Ծառայողական սիրավեպ», «Ավտոտնակ», «Ճակատագրի հեգնանքը կամ բաղնիքդ անուշ»:
