UC Browser-ը բջջային հեռախոսների համաշխարհային շուկայում 2015թ. հոկտեմբերի դրությամբ 17.42 տոկոս ցուցանիշով 2-րդ տեղն է զբաղեցրել։ Այս մասին է վկայում StatCounter անկախ ընկերության վիճակագրությունը։

Բրաուզերի նման հաջողությունը պայմանավորված է Ասիայի մի շարք երկրներում ժողովրդականություն ձեռք բերելու հանգամանքով։ Այսպես՝ Հնդկաստանում UC Browser-ը 2015թ. հոկտեմբերի դրությամբ զբաղեցնում էր շուկայի 54.42 տոկոսը, իսկ Ինդոնեզիայում՝ 49.05 տոկոսը։ Բրաուզերն առաջին տեղում է նաեւ Պակիստանում, փոխանցում է Lenta-ն։

UC Browser-ը մշակվել է UCWeb ընկերության մաս կազմող Alibaba Group-ի կողմից։ Բջջային բրաուզերների մեջ առաջին տեղը զբաղեցնում է Google Chrome-ը՝ 35.85 տոկոս, UC Browser-ը երկրորդ տեղում է՝ 17.42 տոկոսով, իսկ լավագույն եռյակը եզրափակում է Safari-ն՝ 16.38 տոկոսով։