Թուրքիայի նախագահ Ռեջեփ Թայիփ Էրդողանի՝ դեկտեմբերին կայանալիք Ռուսաստան այցը պաշտոնապես չեղյալ չի հայտարարվել, բայց «շատ հարցեր օդում կախված են»: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, հաղորդում է «ՌԻԱ Նովոստին»:
«Իրավիճակը չի պարզվել, պաշտոնապես ոչ մի չեղարկում չի եղել, բայց միաժամանակ, անկասկած, հիմա օդում շատ հարցեր կան կախված՝ կապված այդ միջոցառման իրականացմանը: Բայց ընդգծում եմ, որ չեղարկում դեռ չկա»,-ասել է Պեսկովը:
Նա նաեւ հավելել է, որ Ռուսաստանի եւ Թուրքիայի նախագահների առանձին հանդիպում, Փարիզում կայանալիք կլիմայի թեմայով գագաթաժողովի շրջանակներում չի նախապատրաստվում: