Տավուշի մարզի Դիլիջան քաղաքի հյուսիսային հատվածում՝ «Դիլիջան» ազգային պարկի հարեւանությամբ նոյեմբերի 26-ին, ժամը 14:00-ից սկսված հրդեհը մարվել է գիշերը ժամը 00:10-ի սահմաններում: Այս մասին NEWS.am-ին հայտնեցին ՏԿԱԻՆ մամուլի ծառայությունից:
Նրանց փոխանցմամբ՝ հրդեհը մեկուսացվել է ժամը 00.10-ին, մարվել՝ ժամը 00.24-ին: Այրվել են մոտ 50 հա խոտածածկույթ և ծառեր:
Ավելի վաղ հայտնել էինք, որ դեպքի վայրում աշխատում է փրկարարական երեք ջոկատ, ազգային պարկի աշխատակիցները:
Հրդեհի առաջացման պատճառը դեռ հայտնի չէ:
