Թուրքական կործանիչները ռուսական ռմբակոծիչը խոցել են «Իսլամական պետության» զինյալների կողմից Սիրիայից Թուրքիա հարյուրավոր նավթատարների ոչնչացմանն ի պատասխան։Այս մասին «ՌԻԱ Նովոստի»-ի հետ զրույցում ասել է Սիրիայի տեղեկատվության նախարար Օմրան Ազ Զոուբին։
«Ողջ նավթը մատակարարվում էր ընկերությանը, որը պատկանում է Ռեջեփ Թայիփ էրդողանի որդուն։ Այս կապակցությամբ Թուրքիան սկսել էր նյարդայնանալ, երբ Ռուսաստանը սկսել էր հարվածներ հասցնել ԻՊ ենթակառուցվածքներին եւ ոչնչացրել էր ավելի քան 500 նավթատար։ Նրանք արտահանում են ոչ միայն նավթ, այլ նաեւ ցորեն եւ պատմական արժեքներ»,- նշել է գերատեսչության ղեկավարը։
Նոյեմբերի 26-ին Թուրքիայի նախագահ Ռեջեփ Թայիփ էրդողանը պահանջել էր ապացույցներ ներկայացնել, որ իր երկիրը ԻՊ-ից նավթ է գնում։ Թուրքիայի նախագահը հավելել էր, որ Անկարան միջոցներ է ձեռնարկում իր սահմաններին մաքսանենգությունը կանխելու համար, քանի որ դրանք ԻՊ հիմնական եկամուտի աղբյուրն են։
Նույն օրը ՌԴ նախագահ Վլադիմիր Պուտինը նշել էր, որ Մոսկվան հնարավոր է համարում այն տարբերակը, որ Թուրքիայի բարձրագույն ղեկավարությունը տեղյակ չէ ԻՊ-ի կողմից նավթի մատակարարումների մասին։
