Նոյեմբերի 27-ին, ժամը 03.50-ին, ոստիկանության Լոռու մարզային վարչության եւ Բազումի բաժնի ծառայողները Վանաձոր քաղաքի Սանկտ-Պետերբուրգի փողոցի սկզբնամասից, ապօրինի ռազմամթերք պահելու կասկածանքով, բաժին բերման են ենթարկել նախկինում դատված, 30-ամյա Կամո Մ.-ին:
Ոստիկանության մամուլի ծառայությունից NEWS.am-ին հայտնում են, որ խուզարկությամբ նրա ձեռքին եղած պարկից հայտնաբերվել է տարբեր տրամաչափի 17 փամփուշտ: Կամո Մ.-ն հայտնել է, որ դրանք նույն օրը իրեն է տվել իր ծանոթը՝ 28-ամյա Սամվել Գ.-ն:
Փամփուշտներն ուղարկվել են փորձաքննության:
Կատարվում է հետաքննություն: