Երեւանում գիտության եւ մշակույթի ռուսական կենտրոնում նոյեմբերի 30-ին կայացավ  ավագ սերնդի համար բացառիկ ուսումնական ձեռնարկի՝ «Ինտերնետի այբուբենը Հայաստանում»-ի ցուցադրությունը։

Ինչպես նշել է Երեւանում գիտության եւ մշակույթի ռուսական կենտրոնի տնօրեն Մարկ Կալինինը, հատկապես մեծ տարիքում բավական դժվար է նոր գիտելիքներ յուրացնել։ «Ինտերնետի այբուբենը Հայաստանում» ձեռնարկը չափազանց պահանջված նախագիծ է։ Եվ այդ նյութի հիման վրա հանդիսատեսի  համար դասընթացներ կկազմակերպվեն։ Հուսանք, որ Հայաստանում դրված հիմքը կվերափոխվի նաեւ ԱՊՀ մյուս երկրներում»,- ասել է Կալինինը։

Հայաստանում «Ջի Էն Սի Ալֆա», «Ռոստելեկոմ» ՓԲԸ գլխավոր տնօրեն Հայկ Ֆարամազյանն իր հերթին նշեց, որ կան բազմաթիվ նախագծեր, որոնք ուղղված են երիտասարդության կրթությանն ու աջակցությանը։ «Իսկ «Հայաստանում ինտերնետի այբուբենը» յուրահատուկ հնարավորություն է կրթել նաեւ ավագ սերնդին, քանի որ այսօր կյանքն առանց ինտերնետի դժվար է պատկերացնել։ Կարեւորը, որ այդ դասընթացներն անվճար են»,- ընդգծել է Ֆարամազյանը։