Երեւանում այս տարի առաջին ձյունը կտեղա դեկտեմբերի 3-ին: Այս մասին NEWS.am-ի թղթակցին ասաց ՏԿԱԻՆ Հիդրոմետ ծառայության օդերեւութաբանության կենտրոնի պետի տեղակալ Գագիկ Սուրենյանը:
ՏԿԱԻՆ պաշտոնյայի խոսքով՝ դեկտեմբերի 3-ի գիշերը Սկանդինավիայի տարածքից Հանրապետություն ներխուժող ցուրտ մթնոլորտային ճակատը կառաջացնի եղանակա-կլիմայական պայմանների լուրջ փոփոխություններ:
«Կսկսվեն տեղումներ՝ արդեն ամենուրեք ձյան տեսքով: Կդիտվի քամիների ուժգնացում՝ 15-20մ/վրկ արագությամբ: Լեռնային շրջաններում եւ լեռնանցքերում սպասվում է բուք, ցածր տեսանելիություն, մերկասառույց: Պայմանավորված արկտիկական ցուրտ օդային զանգվածների ներխուժմամբ՝ օդի ջերմաստիճանը կնվազի 8-10 աստիճանով: Դեկտեմբերի 3-ի գիշերը Երեւանում սպասվում է -1….+1, ցերեկը՝ 0-ին մոտ»,- ասաց Գագիկ Սուրենյանը:
