Թուրքիան ո՛չ ՆԱՏՕ-ի, ո՛չ ԱՄՆ-ի հետ չի համակարգել ռուսական Սու 24 ռմբակոծիչը խոցելու իր որոշումը։ Այս մասին հայտարարել է ՆԱՏՕ-ում ԱՄՆ մշտական ներկայացուցիչ Դուգլաս Լյութը։
«Մենք Թուրքիայի հետ մշտական շփման մեջ ենք եղել հոկտեմբերին նրա օդային սահմանը հատելու առաջին դեպքից հետո։ Եվ այդ դեպքում, այո՛, մենք շփման մեջ էինք թուրքական կողմի հետ։ Միաժամանակ Սու 24 օդանավը խոցելու կապակցությամբ որեւէ համակարգում կամ համատեղ որոշումներ չեն եղել։ Դա սեփական օդային տարածքում Թուրքիայի սուվերեն որոշումն է եղել»,- ասել է Լյութը, փոխանցում է «ՌԻԱ Նովոստի»-ն։
Ավելի վաղ Լյութը հայտնել էր, որ ՆԱՏՕ-ն կանի ամեն բան Թուրքիային աջակցելու համար։