ՆԱՏՕ-ն համարում է, որ Մոսկվան եւ Անկարան քայլեր են ձեռնարկում հրթիռահարված Սու-24 ռմբակոծիչի հետ կապված միջադեպից հետո իրավիճակի լարվածության թուլացման ուղղությամբ, սակայն կարծում է, որ Ռուսաստանի կողմից Թուրքիայի դեմ տնտեսական պատժամիջոցների սահմանումը լուրջ քայլ է, երկուշաբթի ասել է Հյուսիսատլանտյան դաշինքում ԱՄՆ-ի մշտական ներկայացուցիչ Դուգլաս Լյուտը:
«Այս միջադեպը միայն Թուրքիային եւ Ռուսաստանին վերաբերող հարց է: Երկու երկրների կառավարությունները շփվում են այդ հարցի վերաբերյալ, եւ կարծում եմ, որ վերջին մի քանի օրվա ընթացքում հնարավոր էր արձանագրել հռետարաբանության շեշտադրումների մեղմացում, ինչն ուղղված է լարվածության թուլացմանը», - ասել է Լյուտը հեռախոսային ճեպազրույցի ընթացքում: Նրա խոսքով, սրանք քայլեր են, որ «ձեռնարկում են» ԱՄՆ-ը եւ ՆԱՏՕ-ն, տեղեկացնում է «ՌԻԱ Նովոստին»:
«Մենք կարծում ենք, որ Մոսկվայի եւ Անկարայի միջեւ երկխոսություն է ստեղծվում եւ հույս ունենք, որ այս գործընթացը կշարունակվի: Ես ճգնաժամի խորացում չեմ տեսնում, երկու կողմից էլ ճիշտ հակառակ մտադրությունն եմ տեսնում, չնայած ձեռք են առնվել որոշ քայլեր, որոնք կարելի է բավականին լուրջ համարել, օրինակ` Ռուսաստանի կողմից տնտեսական պատժամիջոցների սահմանումը», — նշել է Լյուտը: