Ռուսաստանի օրենսդրական գործունեության կառավարական հանձնաժողովը հավանություն է տվել ԵՏՄ շրջանակներում դեղերի եւ բժշկական արտադրանքների շրջանառության միասնական սկզբունքների եւ կանոնների մասին համաձայնագրերը վավերացնելու օրինագծերին:
ՌԴ կառավարության կայքի փոխանցմամբ, այդ փաստաթղթերը կքննարկվեն կառավարության նիստում, հաղորդում է ՏԱՍՍ-ը:
Երկու փաստաթուղթն էլ ստորագրվել են 2014-ի դեկտեմբերի 23-ին, Մոսկվայում: Այդ համաձայնագրերը կարգավորում են ԵՏՄ շրջանակներում ընդհանուր շուկայում դեղերի ոլորտում տեսչություն իրականացնելու միասնական կանոնները, մինչհիվանդանոցային եւ հիվանդանոցային հետազոտությունները, գրանցման եւ փորձաքննությունների, արտադրության եւ իրացման խնդիրները, ինչպես նաեւ ընդհանուր պահանջներ է սահմանում բժշկական արտադրանքների անվտանգության եւ որակի նկատմամբ: