20-ամյա իտալացի Ջայմեն Բոլոնիայի արվարձանում գտնվող «Anni Verdi» համայնքային կենտրոնում դաստիարակ է աշխատում: Այդ նույն շենքում տեղավորված է մահմեդական աղոթատունը: Դրա աշակերտ-մահմեդականների վրա, նույնիսկ նրանց, ովքեր արաբերեն են հասկանում, ԻՊ-ի քարոզչությունը չի ազդում, հավելում է նա:
Մինչեւ վերջերս չորս մարոկկացի էր գալիս այստեղ, որոնց դուրս արեցին նոյեմբերի 22-ին, երբ նրանց մոտ ջիհադը գովաբանող գրականություն հայտնաբերեցին եւ պարզեցին, որ նրանք մարզվում են ահաբեկչական գործունեության համար, գրում է իտալական աղբյուրը:
Այստեղ երեխաները սիրում են իրար: Նրանք մաշկի տարբեր գույն ունեն եւ տարբեր կրոնների են պատկանում, բայց իրար ժպիտով են դիմավորում: Նրանք բոլորը տեղական իտալական առոգանություն ունեն ու միասին գնդակ են գլորում:
Իսկ համացանցն ու ԻՊ-ի տեսանյութե՞րը: Անհնար է պատկերացնել, որ երեխաների` հատկապես արաբերեն հասկացողների աչքին ընկած չլինեն այս պես կոչված «Իսլամական պետության» ուղերձները: «Իմ երեխաներն ինձ ի՞նչ են ասում: Միայն մի բան. Սրանք մահմեդականներ չեն», - պատասխանում է Ջայմեն:
Մզկիթում ահաբեկչական քարոզչությունն արգելված է: Վռնդված չորս մարոկկացիներին 2012-ից ի վեր չեն տեսել մզկիթում, ասում է մասնագիտությամբ դաստիարակ Մուստաֆա Զարը, որը տեղական մզկիթի իմամն է: «Իտալիան մեր երկրորդ տունն է: Մեզ սնունդ ու աշխատանք է տվել, մեր երեխաներին` արժանապատիվ կյանք: Մարոկկոյում մենք չէինք կարող ստանալ այդ ամենը: Եվ նման երկրում ուզում են ահաբեկչությո՞ւն իրականացնել: Ինչո՞ւ», - հավելում է նա:
«Այդ ահաբեկիչները թույլ մարդիկ են: Նրանք իրենց խելքով չեն ապրում, իսկ նրանց ինչ ասես, խոստանում են, որ նրանք պատմության մեջ կմտնեն, Ռեմբոյի նման հայտնի կդառնան: Բայց վստահեցնում եմ ձեզ` Ղուրանը սովորեցնում է հաղորդակցվել ու խոսել, ոչ թե սպանել: ԻՊ-ը կրոնի հետ ոչ մի ընդհանրություն չունի: Չգիտեմ, թե ով է կանգնած նրանց հետեւում, բայց հույս ունեմ, որ Աստված մեզ կազատի նրանցից որքան հնարավոր է արագ», - իր խոսքը եզրափակել է իմամը: