Եվրոպայի եւ ԱՄՆ-ի Անդրխաղաղօվկիանոսյան գործընկերությունը եւ Անդրատլանտյան համագործակցությունը ԵԱՏՄ-ի համար ոչ միայն մարտահրավերներ, այլեւ հնարավորություններ են պարունակում: Այդ մասին ասել է ԵԱՏՄ-ի ինտեգրացիայի հիմնական ուղղությունների եւ մակրոէկոնոմիկայի նախարար Տատյանա Վալովայան:
«Շատ ճիշտ է, որ դա եվրասիական ինտեգրացիայի համար մարտահրավերներ է ստեղծում… Բայց իմ կարծիքով այս նախագծերը ԵԱՏՄ-ի համար նաեւ դրական պահեր են ստեղծում»,-նշել է նա` ելույթ ունենալով Եվրասիական տնտեսական կոնգրեսին, տեղեկացնում է «ՌԻԱ Նովոստին»:
Նախարարի կարծիքով, օրինակ, ԵՄ-ի համար խելամիտ է արեւելյան եւ արեւմտյան գործընկերություններ ունենալը: «ԵԱՏՄ-ին եւս անհրաժեշտ է հավասարակշռել գործընկերությունները` արեւմտյանը ԵՄ-ի հետ, իսկ արեւելյանը` Չինաստանի եւ Ասիական-Խաղաղօվկիանոսյան տարածաշրջանի այլ երկրների», - ենթադրում է Վալովայան:
Նրա խոսքով, իրավահավասար համագործակցությունն է հայտ է գալիս այն ժամանակ, երբ խոշոր խաղացողները ներգրավված են մի քանի նման գործընկերությունում:
Անդրխաղաղօվկիանոսյան գործընկերության ստեղծման մասին համաձայնությունը ձեռք է բերվել երկուշաբթի: Դրա շրջանակում Ասիական-Խաղաղօվկիանոսյան տարածաշրջանում ազատ առեւտրի գոտի կստեղծվի: Համաշխարհային տնտեսության 40 տոկոսը եւ համաշխարհային առեւտրի մեկ երրորդը բաժին են ընկնում Խաղաղօվկիանոսյան երկրներին: Համաձայնագրի մասնակիցներն են` ԱՄՆ-ը, Կանադան, Մեքսիկան Հյուսիսային Ամերիկայում, Պերուն, եւ Չիլին` Հարավայինում, Ճապոնիան, Մալայզիան, Բրունեյը, Սինգապուրը եւ Վիետնամը` Ասիայում, ինչպես նաեւ Ավստրալիան եւ Նոր Զելանդիան: