Մայրաքաղաքի ամանորյա տոնական ձևավորման աշխատանքների շրջանակում Հանրապետության հրապարակում մեկնարկել են գլխավոր տոնածառի տեղադրման աշխատանքները:

Նախ ամբողջացվում են մետաղյա կոնստրուկցիաները, որից հետո դրանց վրա կամրացվեն հանրապետության տարբեր մարզերում սանիտարական էտման արդյունքում հատված եղևնիների ճյուղեր:

Մայր տոնածառը կունենա 32 մետր բարձրություն եւ կզարդարվի լուսադիոդային լույսերով ու նորաոճ խաղալիքներով: Գլխավոր տոնածառի զարդարումը կտեւի մի քանի օր:

Նշենք, որ մայրաքաղաքի փողոցների ամանորյա զարդարումը նույնպես արդեն սկսվել է։