Ցելինայի շրջանային դատարան է ուղարկվել ադրբեջանական ծագումով տեղի բնակիչ Ալիկ Իբրահիմովի դատական գործը:
Ինչպես հաղորդում է ruffnews.ru-ն, քաղաքացուն մեղադրում են ազգային թշնամանք հրահրելու համար:
«Քննության վարկածով, մեղադրյալը, Ռոստովի մարզի Ցելինա քաղաքի հանրային վայրում գտնվելով, մեծ թվով մարդկանց ներկայությամբ հրապարակային բացասական բնույթ ունեցող արտահայտություններ է արել, որոնք թշնամանք են հրահրում ազգային որոշակի պատկանելիություն ունեցող մարդկանց խմբի (հայերի) նկատմամբ, ներկաներին համոզելով հայ ազգության անձանց հանդեպ բռնի գործողությունների իրականացման անհրաժեշտության մեջ` հայ ազգության ներկայացուցիչների նկատմամբ արձագանքման ագրեսիվ պահվածքային կարծրատիպ ձեւավորելով», - ասված է Ռոստովի մարզի ՌՔՀ ՔՈՒ-ի պաշտոնական հաղորդագրության մեջ: