Հայաստանում ռուսական ռազմաբազայի տեղակայման ժամկետի երկարաձգումը չի նյարդայնացնում ՆԱՏՕ-ին։ Սեպտեմբերի 15-ին լրագրողների հետ հանդիպմանն այս մասին հայտարարել է ՆԱՏՕ-ի գլխավոր քարտուղարի Հարավային Կովկասի եւ Կենտրոնական Ասիայի ներկայացուցիչ Ռոբերտ Սիմոնսը։
«Ես միշտ էլ ասել եմ, որ Հայաստանը ՀԱՊԿ անդամ է եւ Ռուսաստանի գործընկերը, եւ ռուսական ռազմակայանների առկայությունն իր տարածքում հենց դրա շրջանակներում է»-նշել է Սիմոնսը՝ հավելելով, որ Հայաստանը զուգահեռաբար զարգացնում է իր համագործակցությունը նաեւ ՆԱՏՕ-ի հետ, ուստի ոչ մի անհավասարակշռություն չկա։
«Բացի այդ ՆԱՏՕ-ն լավ հարաբերություններ ունի Ռուսաստանի հետ»-հավելել է Սիմոնսը։
