Տարվա ընթացքում շարունակել է զարգանալ հայամերիկյան բարեկամական գործընկերությունը. 2015թ. ուժի մեջ է մտել մուտքի արտոնագրային ռեժիմի դյուրացման վերաբերյալ հայամերիկյան համաձայնությունը։ Այս մասին նշված է Հայաստանի ԱԳՆ 2015 թվականի տարեկան հաշվետվության մեջ:
Նշվում է, որ փետրվարի 18ին Հայաստան է այցելել ԱՄՆ պետքարտուղարի` Եվրոպայի եւ Եվրասիայի հարցերով տեղակալ Վիկտորիա Նուլանդը: Նույն օրը տեղի է ունեցել նաեւ ԱՄՆ պաշտպանության նախարարի փոխտեղակալ Էվելին Ֆարկասի հետ հանդիպումը ՀՀ պաշտպանության նախարարի հետ:
«Հայոց ցեղասպանության 100րդ տարելիցի միջոցառումներին մասնակցելու նպատակով ապրիլի 2324ը Երեւան է այցելել ԱՄՆ ֆինանսների քարտուղար Ջեյքոբ Լյուն` մի շարք կոնգրեսականների ուղեկցությամբ։ Ամերիկյան պատվիրակությունը հանդիպում է ունեցել ՀՀ ԱԳ նախարարի հետ:
Մայիսի 57ը կայացել է ՀՀ նախագահ Սերժ Սարգսյանի աշխատանքային այցն ԱՄՆ: Հանրապետության Նախագահը ներկա է գտնվել Վաշինգտոնի ազգային մայր տաճարում Հայոց ցեղասպանությանը նվիրված էկումենիկ աղոթքին, որին մասնակցել է նաեւ ԱՄՆ փոխնախագահ Ջոզեֆ Բայդենը: Այցի շրջանակներում՝ մայիսի 7ին ՀՀ եւ ԱՄՆ միջեւ ստորագրվել է առեւտրի եւ ներդրումների շրջանակային համաձայնագիրը:
Սեպտեմբերի 27ին ԱԳ նախարար Էդվարդ Նալբանդյանը ՄԱԿի Գլխավոր ասամբլեայի 70րդ նստաշրջանի շրջանակներում Նյու Յորքում հանդիպում է ունեցել ԱՄՆ պետքարտուղարի տեղակալ Վիկտորիա Նուլանդի հետ:
Նոյեմբերի 6ին Էդվարդ Նալբանդյանը Փարիզում հանդիպում է ունեցել ԱՄՆ պետքարտուղարի առաջին տեղակալ Էնթոնի Բլինքենի հետ:
Նոյեմբերի 17ին Երեւանում կայացել է ՀՀ եւ ԱՄՆ միջեւ առեւտրի եւ ներդրումների շրջանակային համաձայնագրով նախատեսված խորհրդի առաջին նիստը:
Նոյեմբերի 19ին Երեւանում կայացել է Տնտեսական հարցերով հայամերիկյան միջկառավարական հանձնաժողովի նիստը։
ԱՄՆ Կոնգրեսում ապրիլի 22ին տեղի են ունեցել Հայոց ցեղասպանության զոհերի հիշատակին, իսկ դեկտեմբերի 9ին` Արցախի Հանրապետության անկախությանը նվիրված միջոցառումներ»,-ասված է հաշվետվության մեջ:
