Լուվրը ֆրանսիական թանգարանների պատմության մեջ խոշորագույն գնումն է կատարել, հայտնում է Le Parisien-ը: Թանգարանը Նիդերլանդների Պետական թանգարանի հետ համատեղ Ռեմբրանդտի երկու կտավ է գնել: Գործարքի ընդհանուր արժեքը կազմում է 160 մլն եվրո: Ֆրանսիայի բանկը Լուվրին օգնել է վճարել իր կեսը:
Խոսքը Մարտեն Սոլմանսի եւ Օպիեն Կոպպիտի դիմանկարների մասին է: Դրանք ստեղծվել են 1634-ին: Մոտակա շաբաթներին դրանք առաջին անգամ կցուցադրեն հանրությանը, գրում է Gazeta-ն:
Ավելի վաղ կտավները պատկանել են Ռոտշիլդների ընտանիքին: 2015-ին հաղորդվել է, որ Ֆրանսիան եւ Նիդերլանդները պայմանավորվել են բարոն Էրիկ դե Ռոտշիլդից Ռեմբրանդտի երկու կտավ գնելու վերաբերյալ:
«Մենք հավատում ենք, որ այդ դիմանկարները միշտ անբաժան կցուցադրվեն Նիդերլանդների Պետական թանգարանում եւ Լուվրում եւ հասանելի կլինեն երիտասարդ եւ չափահաս լայն հանդիսատեսին», — տեղեկացրել է Նիդերլանդների կրթության, մշակույթի եւ գիտության նախարար Իեթ Բյուսսեմաքերը:
Ի սկզբանե Հոլանդիայի իշխանությունները ցանկանում էին ձեռք բերել երկու կտավն էլ, սակայն հետագայում Ֆրանսիան հայտնեց աշխատանքներից մեկը Լուվրի հավաքածուում ունենալու ցանկության մասին:
