Ղարաբաղի հարցում Թուրքիայի դիրքորոշման մեջ ոչ մի նոր բան չկա: Այս մասին, այսօր՝ փետրվարի 2-ին, լրագրողների հետ հանդիպման ժամանակ նշել է Հայաստանի ԱԳ նախարար Էդվարդ Նալբանդյանը:
Անդրադառնալով Թուրքիայի կողմից կրկնվող տեսակետին, թե հայ-թուրքական հարաբերությունները հնարավոր չէ կարգավորել, քանի դեռ լուծված չէ Ղարաբաղի հակամարտությունը, Նալբանդյանը նշել է, որ տարօրինակ է, երբ պայմաններ է առաջ քաշում ոչ թե Հայաստանը, այլ Հայոց ցեղասպանություն իրականացրած Օսմանյան Կայսրության ժառանգորդը:
«Դա տարօրինակ է: թեեւ տարօրինակ կլիներ տրամաբանություն փնտրել Թուրքիայի հռետորության մեջ»,-նկատել է նախարարը՝ հավելելով, որ այլ հարցերով եւս թուրքական կողմը նմանատիպ «տրամաբանություն» է ցուցաբերում, ինչը հանգեցնում է խնդիրների նաեւ այլ երկրների հետ:
