Հայվրացական բարիդրացիական հարաբերությունները շարունակել են զարգանալ եւ ամրապնդվել ամենատարբեր ոլորտներում: Այս մասին ասված է Հայաստանի ԱԳՆ-ի 2015 թվականի հաշվետվության մեջ:
«Հաշվետու ժամանակահատվածում տեղի են ունեցել տարբեր մակարդակների շուրջ երեք տասնյակ փոխայցելություններ եւ հանդիպումներ: Հոկտեմբերի 3031ը կայացել է ՀՀ նախագահ Սերժ Սարգսյանի երկօրյա աշխատանքային այցը Վրաստան, որի ընթացքում տեղի են ունեցել հանդիպումներ Վրաստանի նախագահի, վարչապետի եւ խորհրդարանի նախագահի հետ:
Հոկտեմբերի 31ին Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հանդիսապետությամբ եւ ՀՀ նախագահ Սերժ Սարգսյանի եւ «Վրացական երազանք» շարժման առաջնորդ Բիձինա Իվանիշվիլիի ներկայությամբ տեղի է ունեցել Թբիլիսիի հնագույն հայկական եկեղեցիներից մեկի` Սբ. Գեւորգ առաջնորդանիստ եկեղեցու վերաօծման արարողությունը:
Փետրվարի 16ին պաշտոնական այցով Երեւան է ժամանել Վրաստանի խորհրդարանի նախագահ Դավիթ Ուսուպաշվիլին:
Մայիսի 17ին՝ Բաթում, հուլիսի 25ին` Թբիլիսի է այցելել ՀՀ վարչապետ Հովիկ Աբրահամյանը:
Սեպտեմբերի 27ին ՄԱԿի գլխավոր ասամբլեայի 70րդ նստաշրջանի շրջանակներում Նյու Յորքում եւ նոյեմբերի 26ին Թբիլիսիում կայացել են ՀՀ ԱԳ նախարար Էդվարդ Նալբանդյանի հանդիպումները Վրաստանի փոխվարչապետ, արտաքին գործերի նախարար Գիորգի Կվիրիկաշվիլիի հետ»,-ասված է հաշվետվության մեջ:
Նշվել է, որ 2015թ. Վրաստան են այցելել ՀՀ արդարադատության նախարարը, ՀՀ առողջապահության նախարարը, ՀՀ գյուղատնտեսության նախարարը, ՀՀ էկոնոմիկայի նախարարը, ՀՀ էներգետիկայի եւ բնական պաշարների նախարարը, ՀՀ գլխավոր դատախազը, ՀՀ ոստիկանապետը: Վրացական կողմից տեղի են ունեցել արդարադատության նախարարի, Վրաստանի պրոբացիայի եւ իրավական օգնության նախարարի, Վրաստանի գյուղատնտեսության նախարարի, Վրաստանի մշակույթի եւ հուշարձանների պահպանության նախարարի եւ Վրաստանի կրոնի հարցերով պետական գործակալության նախագահի այցերը Հայաստան:
