44-ամյա միլիարդատեր, «Ռոսգոսստրախի» սեփականատեր Դանիլ Խաչատուրովը դիզայներ Ուլյանա Սերգեյենկոյից ամուսնալուծվելուց հետո տարածված սխեմաների է դիմել, որպեսզի անչափահաս դստեր օգտին ալիմենտ չվճարի այն ծավալով, որը պահանջում է օրենքը: Դատարանի որոշմամբ, Վասիլիսային պահելու համար հայրը պիտի այնպիսի գումար վճարի, որն իր հայտարարագրած եկամտի մեկ քառորդն է կազմում: Իր ունեցվածքը պահպանելու համար Խաչատուրովը, որի կարողությունը Forbes-ը 1,6 մլրդ դոլար է գնահատում, դատարանում հաղորդել է 600 հազար ռուբլի եկամտի մասին, տեղեկացնում է Lifenews-ը:
Որքան էլ պարադոքսալ է, Ռուսաստանի ապահովագրական խոշորագույն մագնատի հայտարարագրված աշխատավարձը շատ քիչ է գերազանցում հեռավոր Ուրյուպինսկում «Ռոսգոսստրախի» մասնաճյուղի միջին օղակի մենեջերի եկամուտը:
Հիշեցնենք, որ իր առաջին կնոջից` Աննայից Խաչատուրովը բաժանվել է 2007-ի օգոստոսին: