Լատվիայի նախագահ Ռայմոնդ Վեյոնիսի մոտ սրտի արատ են հայտնաբերել, որը վիրահատության ընթացքում վերացրել են: Այս մասին գրում է Delfi-ն:
Ստրադինյայի անվան կլինիկայի մասնագետ Էվա Ստրիկեի խոսքով, վերացրել են նաեւ նրա մոտ հայտնաբերված վարակի օջախը:
Պետության ղեկավարի վիճակը կայուն է, բայց վարակի տարածումը կանխելու համար առնվազն 3 ամիս տեւողությամբ հակաբիոտիկներով բուժում է անհրաժեշտ:
Նախագահի աշխատակազմի ղեկավար Գունտիս Պուկիտիսն իր հերթին ընդգծել է, որ արատը որեւէ կերպ չի խանգարել նախագահին՝ մինչեւ վարակի ի հայտ գալը: