Ռուսաստանում բնակվող Նորայր Շեհյան իր ընկերներից եւ ծանոթներից տասնյակ միլիոնավոր ռուբլիներ է պարտք վերցրել։ Նրա ասելով՝ գումարն իբր թե անհրաժեշտ է եղել բիզնեսի համար։ 15 տարի շարունակ նա խաբել է իր մտերիմներին՝ խոստանալով ամեն բան վերադարձնել, փոխանցում է ՆՏՎ-ն։

Շեհյանի զոհերից մեկը Ռուսաստանի հայերի միության փոխնախագահ, պրոֆեսոր Գերման Անանյանցն է եղել։ Նրանք ծանոթացել են 30 տարի առաջ։ Երբ Շեհյանը նրանից գումար էր խնդրել, Անանյանցը առանց մտածելու համաձայնել էր։ Տեխնիկական գիտությունների թեկնածուն նրան 6 մլն 250 հազար ռուբլի էր տվել եւ  նոր մեքենա։

Այդ ամենը նախատեսված էր Բելառուս կաթնամթերք արտահանելու համար։ Պրոֆեսորին խոստացել էին վերադարձնել ոչ միայն գումարը, այլ նաեւ տոկոսները։ Շեհյանին գտել էին Մոսկվա-Մինսկ գնացքի մեջ եւ ձերբակալել։