Հավայան կղզիներում տեղի ունեցող սերֆինգի մրցույթը քիչ է մնացել ողբերգական ավարտ ունենա մասնակիցներից մեկի համար:
«Էլ Նինյո» փոթորիկը Հավայան կղզիների ափերի մոտ հսկայական ալիքներ է առաջացրել, եւ սերֆինգի սիրահարները որոշել են օգտվել առիթից ու մրցույթ կազմակերպել: Մասնակիցներից մեկը՝ Թոմ Դոսլանդը, կորցրել է կառավարումը 12-մետրանոց ալիքի վրա եւ ցած ընկել: Այդ տեսարանը նկարահանել են սերֆինգի սիրահարներ ականատեսները եւ տեղադրել համացանցում, հաղորդում է НТВ-ն:
Մարզիկն ավելի ուշ լրագրողներին պատմել է, որ ընկել է ջրի ուժեղ շիթի պատճառով եւ այդ պահին ոչինչ չի տեսել: Նա լուրջ վնասվածքներ չի ստացել, իսկ ահա նրա տախտակը միջադեպից հետո վերանորոգման ենթակա չէ:
